الفـــــــــــــــــاتنــــــــــــــــــــــــــــــــــه

يالفاتنة لمي جدايل عيونك
وارخي ستار الليل من فوق الاجفان


وضمي على حدب الحنايا حنونك
ولهان بغيابك وبالوصل ولهان


يكفي ليا هزت إيديني إمتونك
تتساقط الدنيا. كرز – توت – رمـان!!


أبحترق من دون صفة إسنونك
شبي بي أعماقي ترى القلب بردان


وفلي صباحاتي بضيك ولونك
وهيمي على صدري من الشوق أزمان


وصبي الحنان بقلب من مات دونك
واملي معاليقي من الحب تحنان


واروي شجوني من حنايا إشجونك
عطشان حب وخايف أموت عطشان


والله : ( لو يطري ) خفوقي يخونك
لذبحه أنا بيدي شريان شريان


بس أدري إن القلب صار لجفونك
عبد الرموش وسيده حمر الأوجان


مجنون : لا والله تعدى جنونك
وهذي حقيقة قلب حبك ولا خان


يعني بجاه الحب ضمي حنونك
وأقري بعينه بيت لتلعثم لسان


والله رب الناس إني بدونك
ماني أنا بإنسان لو قلت إنسان!!



وسلامتكم[left]

الله يسلمك على هالقصيده الحلووووووووووه
وبالتوفيق.....

مشكوووووووور ياذيب الوصيبعي
عـــ القصيده ولا تحرمنا
من قصايدك الحلووه
يعطيك العافيه
بالتوفيق,,,,

يسلمواا كاسر قصيده كوووول

وتحياتي ..