واقلبي اللي نبض شوقه وعناني
واسرج بروح المشاعر يم مضنونه
الصاحب اللي لقيته يوم لاقاني
وعيني بعينه وسهم الحب في عيونه
من سحر عينه تشوف الموت من داني
والله على الرمش بين العين وجفونه
ياصاحبي لاتزود نار حرماني
قلبي يحبك وروحي فيك مفتونه
أقولها من بعد ماضاع برهاني
من بعد زين غدا بي وصرت مجنونه
اثر الهوى ياعرب حاكم وسلطاني
وخلي ملكني وروحي فيه مرهونه
ياليت خلي في درب الحب يهواني
من بعد قلبي خله باح مكنونه
أقولها لك وانامغرم وولهاني
ياللي لك أحلى القصايد جات موزونه
أما ملكت الهوى لولو ومرجاني
ولا تركت الهوى والحب من دونه
الخميس سبتمبر 11, 2008 7:33 pm